مقارنة بين انواع الخيوط ذات الالياف

مقارنة بين انواع الخيوط ذات الالياف ---------------------------------------------- الاول لازم نعرف ان خيوص الصيد المجدوله هي اقدم نوع من الخيوط التي استخدمت في الصيد و كانت الاول بتبقى من القطن ثم من الحرير و بعد ظهور البلاستيك قل جداً استخدامها لحد ما تم تصنيع خيوط الصيد المجدوله (البريد) النوع الاول : خيوط الداكرون: و هي عباره عن خيط مضفر يشبح البريد الى حد كبير الا ان في ٣ عيوب خلو استخدامه يقل جدا و هي ١- اضعف من البريد ٢- اكبر في السمك ٣- يتشرب الماء و ده طبعا ممكن يبوظ المكنه يمكن الميزه الوحيده اللي بتميزه عن البريد انه مجوف بمعنى ان ممكن تدكك الليدر جواه و ده ميزه في انه بيدي وصلة اقوى لان العقد بتضعف الخيط كتير النوع التاني و هو البريد و ده يمكن اتكلمنا عليه كتير قبل كده و ده عبارة عن الياف بولي ايثيلين PE مجدولة مع بعض تبدأ من ٣فتل لحد ٨ فتله و مل ما زادت عدد الفتل زادت قوة الخيط و زادت استدارته و بالتالي بقى اكتر مقاومة للاحتكاك النوع التالت و هو ال spectra or dyneema و ده يعتبر احدث و اقوى من البرد لاختلاف المادة اللي متصنع منها الفتل نفسها فهي تصنع من بولي ايثيلين عالي الكثافة و ده بيديلها قوة شد اكبر من البيد و الداكرون و كمان ممكن يوصل عدد الفتل ل ١٢ فتلة فده طبعا بيخليه اقوى و انعم و مقاوم للاحتكاك ، وفي كمان ميزه مهمه جدا ان برضه في منه انواع مجوفه مثل الداكرون لوصل الليدر بدون عقد ملحوظة: كلمة سبكترا بتستخدم اكتر في الصيد عشان اشيك بس من دينيما 😅😅 النوع الاخير هو النانو فيل و ده اختصار لكلمة nano filament و معناها الالياف الدقيقة جدا و ده في شركة واحدة بتنتجه حصريا هي بيركلي و ده مش مجدول لكن برضه مكون من الياف بس بدل ما تضفر بتتكبس مع بعض فتدي خيط واحد شبه الخيط النايلون في نعومته لكن ليه كل خصائص البريد من حيث سهولة الرمي و عدم التمدد ويعتبر هو افضل خيط للكاستنج بامتياز لانه ناعم و قوي و اصغر في القطر و لكن فيه عيبين الاول سعره طبعا الغالي جدا و خصوصا انه الى الان بلا منافس و الثاني ان الى الان ماتعملش منه خيوط بمقاسات كبيره تنفع في الجيجينج او الجر او باقي طرق الصيد. اخيرا: المعلومات مجمعة من مقالات و فيديوهات مختلفة و ليس من تجربة شخصية واتمنى ان ينال الموضوع اعجابكم ---------------------- أحمد عاشور ( جروب i-cast )