الطريق الى راس العش

::::::::::::::::::::::::::::: السلام عليكم عوده لسلسلة " الطريق إلى .. " بعد انقطاع طويل والنهارده راجعين بموضوع عن الصيد في منطقة راس العش .. والمعلومات الموجوده حصلنا عليها بشق الأنفس لندره الموضوعات عن هذا المكان .. Admin رأس العش التى نقوم بالصيد فيها فهى فى محافظة البحر الأحمر بعد مدينة غارب بــ 50 كيلو متر بإتجاه الغردقة .. وهى تختلف عن منطقة رأس العش بجوار بورسعيد بالنسبه للطعوم في راس العش .. بص يا صياد باشا انا هكلمك عن تجربتي الشخصيه راس العش برايى من افضل و احسن المصايد و ميزتها في التشكيلة اللى ممكن تجيبها يعنى صديق الصياد هاتلاقيه التقايل ان شاء الله موجودة الجر انت و رزقك و مجهودك برغم ان غالبية الرويسة مش غاوياه و بيكون بين الطرحات الجيجنج موجود جنب براريم البترول لو سمحوا لكم به و كذلك الجر جنب البراريم النصيحه الذهبيه حداف تقيل و حته صاحيه وارفع عن الارض خمسه مترو اربطها بأزازه وربك يرزق (افضل طعم حقق نتيجه بالنسبالي في العش اولا كان الماكريل وتانيا الباغه او ابو شوكه وده اسمه التجاري وبعدها السبيط او الكليماري ) الجمبري اعتقد هناك ملوش لازمه صحيح ان الجمبري صياد بس اولا هناك مش هيستحمل لان السمكه هناك قويه صحيح هيحقق معاك بس هتستعمل منه كميه كبيره وهيصرف عليك لانه غالي اما الماكريل فلما تشتري اشتري الحجم الصغير الي حد ما وبيسمي (ماكريل امريكاني وده حجمه بيكون افضل واصغر وبيتم تقطيعه لقطع صغيره في حدود 1 سم في طول من 3 الي 4 سم وتطعم بيه وادعيلي وهيستحمل معاك وسعره مش غالي والباغه والسبيط هيحقق برضه بس الماكريل الزفاره فيه عاليه وقد يكون حد له ر اخر بس انا بتكلم عن تجربتي الشخصيه والحمد لله ناجحه ملحوظه علي فكره التسقيط هناك افضل الطرق اما بالعود او (لنسه ) والجر طبعا ممتاذ هناك بس بيكون معاك رابلات اصليه وليكن (اكس راب - او هيد ريد الجميل ان الكوشر ابو نجمة دخل بدرى ومفروض انه يدخل على اخر شهر مايو لكنه بشر من أول مارس معنى كده إن موسم الصيف هيكون بمشيئة الله موسم رائع المواسم بتقول ان ديسمبر و يناير وفبراير شغل مرجان و النفارة ودراج و جرم وصرع و النقط الكبير و بالتجربة مارس انضم للموسم الموسم الجاى ابريل ومايو ويونية شغل الشعور والكشر و الخرمان ومن الآخر كل حاجة باذن الله نصيحه ..... الجو الاذيب وهو الرياح الجنوبية التى تهب على البحر الاحمر وتتسبب فى هدوء البحر وجعله كما يقال سجاده او زيت لانها تاتى عكس اتجاه امواج البحر وتعمل على اخمادها... تفسد اي رحله.. لهذا قم بمراجعه موقع طقس قبل الذهاب للرحله .. وبالتوفيق -------------- منتدى نادي صيد الأسماك المصري